• O CNC non responde aos seus socios

    Continúan a chegar malas noticias dende o Club Náutico e o camiño emprendido pola súa Xunta Directiva. Se en datas anteriores alertábamos sobre a execución de obras dentro do seu recinto sen a previa concesión de licenza municipal, obras precisamente adxudicadas á empresa familiar dun dos vocais da Xunta, sobre o silencio oficial respecto ao limbo xurídico no que se mantén unha Xunta Directiva non ratificada por asamblea algunha, sobre un local que por momentos parece unha taberna de colegas onde o seu máximo dirixente exercería de camareiro, ou respecto da escasa ansia cobratoria das débedas pendentes, agora temos que constatar con tristeza como a actual Xunta Directiva desprecia olímpicamente a parte da súa masa social, aquela que se mostra máis combativa, e non se digna responder ás solicitudes de información de socios de número da entidade. Algo nunca visto que sirve para constatar (tal e como xa alertara esta redacción no seu momento) a existencia de socios de primeira (os fieles) e socios de segunda sen précticamente ningún dereito máis alá do de pagar a súas correspondentes cuotas, eso sí (os disidentes). Algo vergonzoso e escandaloso nunha entidade que se pretendía exemplar e senlleira no ámbito náutico galego. Os comportamentos dictatorais xa están aquí.
  • Resultado das Eleccións ao CNC

    Hai un episodio ("Trash Of The Titans") da novena tempada dos Simpson que non pode ser máis revelador.  Nel, a base de demagoxia e infundios e gracias á colaboración inesperada dos mesmísimos U2 Homer logra facerse co posto de xefe do departamento municipal de recollida de residuos sólidos urbanos, reemplazando mediante impecable votación democrática ao que ata entón fora un probo, competente e honrado xestor, Ray Patterson. Cando non moito despois (un mes) tras unha xestión especialmente desastrosa e demente, Springfield chega a estourar literalmente nunha explosión piroplástica de lixo e a cidade se atopa na ruina máis absoluta, os desesperados veciños convocados a unha reunión de urxencia no Salón de Plenos municipal rogan de xeonllos ao anteriormente despreciado Ray Patterson que volte a facerse cargo do departamento. Este, unha vez subido ao atril, emocionado e ao borde das bágoas, contestará aquelo de "Me encantará dejarlos sumidos en el caos que ustedes mismos provocaron".
  • O CNC colabora na loita contra o cancro

    A poucos días de que se cumpriran tres meses exactos de ocupación ilegal das súas instalacións, o Club Náutico de Camariñas fixo entrega dunha subvención de 200,00 euros á Asociación Española Contra o Cancro. Foi no acto de inauguración da XXII Mostra do Encaixe cando o Comodoro Ignacio Martínez Mañas e o Secretario Manuel Ángel García Insua en nome do CNC facían entrega á Pilar Insua, Presidenta da sección camariñana da AECC, do donativo, o cal non deixa de ter o seu mérito considerando o enorme quebranto económico que verse privado das súas instalacións supón para o CNC.  A pesares de sufrir o ataque máis brutal perpetrado en toda a historia contra un club náutico galego, a Directiva continúa a desenvolver na medida das súas posibilidades as funcións encomendadas pola súa maioría social: tomando decisións e levando a cabo novas xestións que redunden no beneficio colectivo da institución náutica decana da Costa da Morte. Tratan deste xeito de facer frente a unha desgracia inimaxinable non hai moito tempo, a de que os principais responsables en Camariñas do partido político que actualmente goberna en cáseque tódolos niveis administrativos en España, apoiándose no seu poder político, puxeran ao CNC como obxectivo das súas pretensións privadas.
  • Fotos Historicas: Club Nautico de Camariñas

    Dende que un 11 de setembro de 1992 o Presidente da Xunta de Galicia Don Manuel Fraga Iribarne inaugurara oficialmente as instalacións do que era o primer Club Náutico da Costa da Morte no que constituía por dereito propio unha data histórica, pasou xa cáseque un océano de tempo. Unha sucesión de etapas da vida, de cambios de ciclo, que se reflexa especialmente nos medios empleados polo CNC para ter informados puntualmente aos seus lexítimos propietarios, os socios, das novas cas que unha institución senlleira para o Concello de Camariñas ía evolucionando a carón duns tempos sempre cambiantes. Así daquelas fantásticas revistas do CNC nas que tanto tiña que ver o noso usuario e mestre José Luis Blanco Campaña pasouse á nova e moderna web que se ven de inaugurar estos días e que á marxe de abrir aos seus usuarios un sinfín de posibilidades, mellora técnica, visual, gramática, sintáctica e incluso ortográficamente de un modo abrumador aquela rudimentaria e moribunda paxiniña ca que o máis histórico dos clubs náuticos da Costa Atlántica se vío obrigado a convivir durante estes últimos anos. Estamos ante unha web aínda en probas pero xa activa, á que lle falta por por meter algúns dos seus contidos e que será obxecto no seu momento dunha presentación oficial. Porque sempre que se evoluciona debe ser para mellor, así o fai o CNC, e dende camarinas.eu, web máis vista da historia da Costa Atlántica e polo tanto como irmán maior, dámoslle a benvida á nova web que volve á vida, www.cncamarinas.com , e adicámoslle cos nosos mellores desexos un especial Fotos Históricas.
  • Gran Cena de Primavera no Club Nautico: Señor Socio Totis

    A pregunta é clara: na noite de autos do sábado 3 de abril de 2010, entre a II Festa da Zorza, a Gran Cena de Primavera do CNC e os veciños que se decidiron a celebrar as sagradas datas da Semana Santa cunha cena familiar en calqueira dos restaurantes da vila ¿houbo alguén que cenara en casa na mencionada data? Porque si máis de 500 racións foron servidas na Praza do Mercado, unha muchedumbre de socios do CNC inundou o Salón de Actos da que foi a institución náutica pioneira da Costa da Morte para pasar un rato divertido entre amigos, desfrutar das viandas dunha opípara cena e bailar uns cuantos dancings ao ritmo imposto polo triunvirato musical de rigor nestes casos. Unha multitude de asociados entre a que descollou a presencia dunha das últimas fichaxes do accionariado do CNC: a actuación rutilante e estelar de Manuel Ageitos Souto, Totis, leyenda viviente do camariñeo e perfecto representante da alma popular da inmortal Vila de Camariñas, un home en definitiva capaz de animar ca súa arte personal e intransferible os grandes eventos sociais que teñan a ben honrarse ca súa presencia, xa sexa unha cena de camarinas.eu, a Laconada Anual do Puerto Arnela ou a gran Cena de Primavera do noso Club Náutico.
  • 125 anos nos contemplan - Homenaxe a Industrias Cerdeimar no Club Náutico de Camariñas

    Despois de dezaoito anos de existencia, o Club Náutico de Camariñas experimentaba  este sábado 5 de setembro de 2009 o maior cheo da súa historia cando máis de 300 persoas agolpábanse no seu Salón de Actos para asistir á Homenaxe ao 125 aniversario de Industrias Cerdeimar, sen dúbidas a gran empresa histórica do Concello de Camariñas. Unha avalancha de personalidades do mundo político municipal e autonómico, unha morea de veciños de Camariñas que coa súa presencia quixeron testimoniar o seu cariño, unha familia Cerdeiras prácticamente ao completo, pero sobre todo máis dun centenar de traballadoras e traballadores da empresa que tanta vida dou a un concello deprimido e illado, convertiron unha homenaxe xusta e necesaria nun evento histórico. Camarinas.eu deixa constancia do acto para a posteridade cunha galería fotográfica de 100 imaxes.
  • Marisol Soneira recibe a homenaxe do Club Nautico de Camarinas

    Se a semana pasada o Club Náutico de Camariñas celebraba unha cena homenaxe en honor ás paxinas webs de Camariñas, por certo, noticia que non foi cuberta por ningún medio de comunicación escrito, radiofónico ou cibernético a excepción obviamente das dúas webs citadas, nesta ocasión a cena homenaxe si que estaba ben cuberta e é que a ocasión non era para menos: o C.N.C. homenaxeaba á deputada autonómica Marisol Soneira, amiga e usuaria de camarinas.eu, e ao avogado muxián Manuel Martín, Presidente do Club Náutico da Vila da Barca.