Tweet

Este domingo 8 de xullo de 2012, máis de dous meses despois de que fora sometido a unha exitosa intervención quirúrxica na columna, retornaba Don Jesús Nieto Baneira ao templo parroquial no que leva exercendo o seu docto maxisterio dende hai máis de 20 anos. Facíao acompañado do páter que viña suplindo a súa imprecindible e necesaria labor pastoral, Don Mario, ademáis de axudado por un familiar e por un bastón cos que suplir as súas aínda un tanto renqueantes aptitudes físicas. Especialmente emocionante foi comprobar como unha pechada ovación dos fieis que ateigaban a Igrexa de San Xurxo recibía a Don Jesús, aplausos e vítores dunha masa anónima que tomaron forma individualizada cando, unha vez rematado o oficio, a multitude invadía a sacristía para congratularse polo retorno dun home vital na Camariñas dos nosos días. A idea que guiaba o retorno de Don Jesús era a de estar totalmente operativo para a Festa do Carmen, os maís grandes días do ano na súa parroquia, e así xa esta semana de reentrada celebrará as novenas da nosa Virxe él mesmo. Ademáis xa na misa deste domingo Don Xesus voltaba oficiar ca sabiduría, profesionalidade e experto maxisterio que caracterizan a traxectoria deste home sensato, tolerante e bo,  un bautismo, neste caso o dunha preciosa nena que se chama Claudia e que é filla dos nosos queridos amigos Luis Gerpe e Luz. Confeccionado un dos mellores carteis da historia da Festa do Carmen, ninguén mellor que Don Jesús para situarse á fronte da mesma. Don Jesús: un bendito retorno.

Artigos relacionados que che poden iinteresar:

6 días antes

A Misa cambia de Horario

Consecuencia dun maratón eclesial continuado, nunha decisión que non cabe senón denominar de hist

26 días antes

Procesión de San Xurxo 2013

Hai uns anos, non tantos, un 23 de abril, con motivo do acto de homenaxe a Domingo Antonio Rodríg

313 días antes

Don Jesús: Un Bendito Retorno

Este domingo 8 de xullo de 2012, máis de dous meses despois de que fora sometido a unha exitosa int

380 días antes

Exitosa operación de Don Jesús

Segundo puido saber Camarinas.eu este xoves 3 de maio de 2012 era sometido a unha intervención quir

493 días antes

Misa da Epifanía en Camariñas 2012

Se por unha parte este Nadal de 2012 pasará á historia polo lamentable espectáculo protagoniz