Golpe de Estado no Club Náutico

PinExt
Share
Daniel Rego, pai da ex-concesionaria do Bar Restaurante do CNCTraspasados hai tempo os límites do sentido común, rebasados todos os diques da decencia, o proceso de toma do poder no Club Náutico pola minoría radical e violenta que ocupa ilegalmente as súas instalacións sumou este fin de semana dous novos episodios de inusitada gravidade. O venres 27 ca non entrega ao Presidente do CNC das chaves do Bar Restaurante. O sábado 28 ca celebración nunhas instalacións okupadas dunha asamblea ilegal. Dous episodios íntimamente conectados, causa e efecto, porque si a estas alturas aínda hai alguén que o dubida a non renovación da concesión da Cafetería é a única causa  da maior crise desatada no CNC en toda a súa historia, causa que con éxito máis ben descriptible intentouse disfrazar aludindo a diferentes pretextos: que si concesión dos pantaláns, que si a venta dos barcos, que si o título de Real, etc... excusas ridículas que resultan prescindibles agora que pola actitude deste minoritario sector desquiciado e ultra, derrotado ampliamente por 54 a 33 na asamblea do 17 de decembro (votación do 7º punto: Renovación do Bar Restaurante),  a maior parte dos proxectos de futuro no CNC se botaron a perder xunto co prestixio dunha institución que sempre foi exemplo de respetabilidade e bo nome.

Pero vaiamos por partes. O luns 22 de xaneiro o Presidente do CNC remite un tercer burofax aos antigos concesionarios do Bar Restaurante: ás 16.00 horas do venres 27 de xaneiro pasará a recoller as chaves da cafetería. Desta forma dábase aos ex-concesionarios unha última oportunidade de evitar o deshaucio xudicial. Á hora citada fai entrada nas instalacións do CNC acompañado dun directivo de recente nomeamento sendo recibido polos pesos pesados do sector crítico: o socio fundador, o coñecido constructor e o político habitual perdedor de eleccións que o 7 de xaneiro intentaron con mui malas formas, intento de agresión ao Secretario do CNC incluida, sustraer as ofertas presentadas ao concurso para a concesión do Bar Restaurante; un ex directivo que tras votar en reunión da Xunta Directiva a favor da non renovación dos antigos concesionarios, perdido todo sentido da vergonza e da decencia, cambiou de bando e convertíose nun fervoroso hooligan dos golpistas náuticos; un suxeto sin oficio nin beneficio, autodenominado director dun medio de comunicación, e un dos antigos concesionarios. Os directivos atopan un local inundado de panfletos e manifestos polas paredes, semellante a calqueira edificio okupado das grandes capitais, unha vez requeridas as chaves do local contéstaselle que non llas poden dar porque a titular da antiga empresa concesionaria está de baixa "por depresión". Comenza entón un intercambio de pareceres que chegará cáseque as dúas horas de duración, unha diálogo de tintes surrealistas, esperpento en estado puro cun grupo de persoas que se situaron hai tempo fóra da realidade, que parecen vivir nun mundo paralelo, un ghetto mental retroalimentado a base de mentiras e conspiracións paranoicas.

O que parece levar a batuta do grupo okupa é o director do medio no que a diario se verten os insultos máis soeces e as calumnias máis barriobaixeiras contra os membros da Xunta Directiva, o cal de forma frenética comenza esixindo o cese "ya no esta noche o mañana, sino ahora, en este momento" dun dos membros da actual Directiva ao que acusa de ser o autor de determinadas noticias publicadas en camarinas.eu, en especial móstrase absolutamente indignado pola frase ca que son tildados habitualmente no citado medio: "minoría radical e violenta". Ameaza con "incendiar internet", chegando ao extremo de sinalar que "yo ya estaba fuera de esto, te dije que no volvía a publicar nada más del Club Náutico, pero ahora ya me da igual, me da igual echar a perder mi carrera política (sic), a partir de lo que se publicó hoy (a introducción á Carta de Xose Luis Blanco Campaña, publicada na mañán de autos por camarinas.eu) voy a ir a muerte". Desta forma, inconscientemente viña a recoñecer o que moitos sospeitábamos: que o golpe provocado pola carta na que o Presidente do Honor do CNC apoiaba de modo inequívoco á actual Xunta Directiva fora devastador e que a nivel interno do partido no que milita houbera en datas recentes un serio toque de atención, preludio funesto do que pode estar por vir.

A esto séguelle unha catarata de insultos contra o directivo presunto redactor habitual de camarinas.eu, o Secretario do Náutico e Xosé Luis Blanco Campaña, o cal é obxecto das calumnias máis inxuriosas e das acusacións máis inverosímiles e infamantes, sobre todo vindo de quen ben na súa persoa ben na de familiares directos tanto deben ao mestre de xornalistas camariñán. Os directivos, cariacontecidos, describirán o sentimento provocado por tal actitude cunha soa palabra: asco. Sentiron literalmente asco. Unha vez liquidado o tema mediático, o sector crítico constata que a asamblea do día seguinte vai moi en serio, que contan ca presencia segura de membros dunha coñecida familia de empresarios de Camariñas así como dun maxistrado dunha alta instancia xudicial (obviamente despois ningún deles aparecerá por alí) e perdido como decíamos todo sentido da realidade, convocan á asamblea á persoa que ten a competencia para convocar asambleas: o Presidente. O mundo ao revés. Incluso o citado responsable mediático intenta chantaxear ao Presidente: se acude á asamblea ilegal el non publicará nun par de días o incendio que devastará internet polos catro costados. Prosigue desta forma unha conversa na que os directivos presentes terán que facer chamadas constantes a manter o bo tono e as boas formas e na que segundo unha testemuña presente destacou sobremaneira a falta de respeto e educación ca que un dos antigos concesionarios, alguén que nin siquera é socio, se dirixe constantemente ao Presidente do CNC. Nembargantes, preto das 18:00 remata a conversación dun modo cordial, o presunto director despídese desta maneira: "Oíste, gracias por seguir comprándome los sobres".

E así, despois da causa que provocou todo o rebumbio no CNC, a non renovación do Bar Restaurante decidida polos socios na Asamblea do 17 de decembro, o sábado 28 de xaneiro tivo lugar outra asamblea, se ben esta ilegal e fóra de todo cauce estatutario, un novo peldaño no golpe de estado no CNC, un acto dunha gravidade nunca antes vista en 20 anos de existencia. A partires das 18:00 horas corenta persoas danse cita no Salón de Actos, deles tan só trinta son socios e eso que en días previos os teléfonos botaron fume. Por aquelo de hinchar as estadísticas son chamados varios representantes dunha asociación de montes da vila, proba inequívoca do apoio político constante ao que recurre a minoría golpista e okupa do Náutico. No Salón de Actos as sillas están colocadas como si dunha gran cita náutica se tratara, nembargantes non hai Mesa Presidencial e un xornalista de La Voz de Galicia que fai acto de presencia ca intención de tomar unha imaxe é expulsado de xeito fulminante, os golpistas non queren probas da súa evidente ilegalidade. Micrófono en man abre o acto ese mesmo ex-directivo que votou a favor de non renovar á anterior concesionaria e que agora trata de facerse perdoar os pecados cometidos, incluso recurrindo a calumniar na prensa autonómica aos seus antigos compañeiros, punto este polo que terá que responder no seu debido momento. Tamén toma a palabra o pai dun dos anteriores concesionarios para facer constar por primeira vez en público que defenderá os intereses da súa filla con uñas e dentes. Fala do incidente acaecido cunha socia á que chegou a expulsar violentamente da Cafetería do CNC ao día seguinte da asamblea tan contundentemente perdida por el o 17 de decembro, conta que xa fixo as paces con ela pero que si se voltara a reproducir a mesma situación tiraba con ela ao mar xunto co seu botellín de auga. Un socio un tanto despistado esixe unha moción de censura inmediata, fanlle ver que esto non é o Congreso dos Diputados: esa figura non a contemplan os estatutos. Dado o número ridículo de asistentes, entre os que se atopa un grupo non despreciable de seguidores da actual Xunta Directiva, os líderes do movemento golpista atenúan os seus ímpetus e en vez de votar a constitución dunha xunta directiva, o que viría a crear unha ilegalidade paralela (tal e como anunciaban nos panfletos que inundaban a cafetería), optan por recoller firmas que esixan a convocatoria dunha nova asamblea. Como cos socios presentes na asamblea ilegal non acadarían nin 25 votos, optan por deixar aberto o proceso. E así, pasadas as 19:00 horas, acto sucesivo e consecuente ca ocupación ilegal das instalacións náuticas rematou a primeira asamblea ilegal da historia do CNC.

Hai solicitada unha asamblea por un escrito con 50 firmas de socios do CNC. A actual Xunta Directiva é consciente do seu deber de proceder á convocatoria da mesma. Agora ben, esa convocatoria terá lugar cando sexan desocupadas as instalacións do Bar Restaurante por parte dos antigos concesionarios, porque ¿como vai a celebrar unha Xunta Directiva unha asamblea nunhas instalacións que non están baixo o seu control? Porque aquí que ninguén se equivoque sin estar desaloxadas as instalacións quen non respetou o resultado da asamblea de decembro tampouco respetará o resultado da nova asamblea que se celebre se esta (como é previsible) non é favorable aos seus intereses. Ademáis, se tal e como comenta na prensa autonómica o principal representante do sector crítico, a concesión do bar restaurante non ten nada que ver ca súa oposición á actual Xunta Directiva ¿a que espera para desaloxar as instalacións á maior brevedade e así poder acelerar a convocatoria da asamblea por el tan insistentemente pedida?


LBL_RELATEDNAME

Comentarios:

Comentarios   

 
rula
+4 #1 rebelion a bordo!!!!rula 30-01-2012 16:26
Esta e unha moi boa información que xa estaba tardando en salir a luz, pero voto en falta que non decides nada sobre que a Directiva non se pode reunir nas oficinas do club porque un dos antiguos concesionarios dedicabase a expiar todo o que falaban cando se reunían.
E de paso podedeslle mandar recado a unha persoa que estuvo na directiva de que un coñecido constructor querelle cortar a cabeza, e un político, habitual perdedor de eleccions, si fora oxe, en lugar de votala fora do club, iba tirala o mar.
Anímovos a que sigades dando informacions da verdade do que esta a ocurrir no club Náutico porque hasta ahora solo se escoitaron as mentiras do "bando crítico".
Reportar al moderador
 

Escribir un comentario

Hemeroteca

April 2014
Mo Tu We Th Fr Sa Su
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4
Opacity

Comentarios Camariñas

  • Procesión da Virxen do Monte 2014

    Moncho de Dios 24.04.2014 08:16
    RE: Procesión da Virxen do Monte 2014
    Perdonar ,pero no vi el mensaje ,pero mi respuesta es igual a la de Antonio Puertas,lo que si esta ...
     
  • Procesión da Virxen do Monte 2014

    Beldoña 23.04.2014 20:48
    RE: Procesión da Virxen do Monte 2014
    Pardiñas, a Biblia case sempre fala en sentido figurado, e non hai que tomala ao pe da letra. ´Foi ...
     
  • Procesión da Virxen do Monte 2014

    PARDIÑAS 23.04.2014 16:26
    a Moncho
    Agora que falades tanto na reportaxe de Camariñas.Eu ,como vostede do Diluvio ,eu pregúntome ¿é posible ...
     
  • Procesión da Virxen do Monte 2014

    Moncho de Dios 23.04.2014 15:06
    RE: Procesión da Virxen do Monte 2014
    Gran reportaje Diego ,donde ademas nos demostráis vuestros conocimientos bíblicos,ya puestos en la ...
     
  • Procesión da Virxen do Monte 2014

    Beldoña 22.04.2014 21:00
    RE: Procesión da Virxen do Monte 2014
    Miña Virxiña do Monte, que mudaches ceo por mar; deixáchelos pes nas rochas miña Virxiña ao pasar.
HomeCamariñasEspeciaisAsalto ao Club Náutico de CamariñasGolpe de Estado no Club Náutico Top of Page
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image