Banner Mostra 2014 3

O PP de Camariñas apoia a ocupación ilegal do CNC

PinExt
Share
O proceso de golpe de Estado no CNC volve aos seus iniciosDespois dun período de relativa calma, os que tentan facerse co poder no CNC volven á carga e non dubidan en apoiarse no poder e na forza que proporciona un partido político para tentar aniquilar a aqueles que se opoñen ás súas pretensións. Así, en nota de prensa remitida aos medios, e publicada no Diario Oficial dos golpistas náuticos, puidemos saber que a agrupación local do PP de Camariñas presta un "apoio total" as actuacións desenvolvidas por quen okupou ilegalmente as instalacións da que foi a institución náutica decana da Costa da Morte, quen asaltou o negocio dun honrado comerciante, contra o que ademáis, perdida toda medida da decencia e da desvergonza, presentou unha ridícula denuncia no Cuartel da Benemérita "por non ser atendido". Supoñemos que os promotores de tan vergoñante misiva apoian "totalmente" ademáis o incumprimento da palabra dada por ese mesmo político nunha comida con socios do CNC na Coruña na que se comprometía a  abandoar as instalacións okupadas o 7 de febreiro, apoian o seu grave desencontro nocturno ca Guardia Civil de Tráfico á altura de Baíñas, así como os insultos e inxurias vertidas públicamente contra o Alcalde no pasado Pleno do mércores 28 de marzo.

Non contentos con elo, e fiel ao estilo de matonismo, ameazas e intimidacións que caracterizaron a actuación dos golpistas náuticos dende o inicio do proceso de toma de poder no CNC prometen emprender unha auténtica caza de bruxas contra Diego Alonso Freire, director do único medio de comunicación que osou facerlles frente. Xa antes, no mes de xaneiro expulsaran fulminantemente a tres honrados militantes porque un deles opúxose á utilización do partido para o que non deixaba de ser un negocio privado de quen se quería converter en empresario hostelero pola forza. Exemplo evidente do respeto á pluralidade e á democracia da cuadrilla de arribistas profesionais, supervivientes arruinados por completo que por desgracia se fixeron co poder nun respetable partido político, ¿que respeto van ter á democracia quenes non foron capaces de aceptar nin o resultado aplastante dunha asamblea nunha institución náutica?

Supoñe ademáis esta gravísima nota de prensa o retorno para poñerse ao frente das acometidas náuticas do autodenominado director do estercoleiro cibernético habitual, o culpable de que máis de 25.000 euros en concepto de taxas de recollida de lixo deban saír dos bolsillos dos camariñáns, quen sabe si reposto de urxencia no seu cargo de secretario, o cal fiel ao seu estilo plúmbeo, reiterativo, cargante, demagóxico, e como non ventrilocual falando de si mesmo en terceira persoa como si de Julio César á volta da Guerra da Galia se tratara, escribe na defensa do seu desagradecido amo unha nota de prensa na que utiliza o poder dun partido gobernante en cáseque tódolos niveis administrativos en España para tratar de neutralizar a quen tanto dano lles fixo no seu intento de golpe de estado no CNC, decretando unha cacería contra o mesmo e sinalándoo como obxectivo a abatir.  Que saiban os promotores desta noxenta, irresponsable e criminal nota de prensa que calqueira incidente que lle poida suceder de agora en diante a Diego Alonso Freire, a súa familia ou os seus bens, faráselles directamente responsables do mesmo. Xa unha vez, non hai tanto, enviouse a un matón á redacción de camarinas.eu, o cal tentou agredir brutalmente ao Director de Camarinas.eu.

Este ataque persoal de todo un partido político contra un honrado comerciante, dunha gravidade sen precedentes na historia de Camariñas, esixe de inmediato a toma de posicionamento da Asociación de Empresarios na defensa dun dos seus membros. Non pode seguir calando e permitindo desafueros por parte do asaltador de negocios particulares a institución que nacío co obxectivo de velar polos intereses colectivos e individuais dos pequenos e grandes empresarios de Camariñas. En caso contrario, deberíase entender como amortizada a mesma e sin sentido a súa existencia, quedando como único camiño o de disolverse.

Queda por saber o que pensarán as altas instancias provinciais e rexionais do PP acerca da nota expelida pola súa agrupación en Camariñas: ¿apoian ao okupanáuticos profesional, ao asaltador de negocios particulares? Dende Camarinas.eu farémoslles chegar a nota de prensa e recabaremos a súa opinión, porque aquí atopámonos ante unha loita de políticos profesionais contra cidadáns, do peor do mundillo da política contra a sociedade libre. Acostumados durante os tres últimos a anos a cometer toda clase de tropelías e desafueros, unha minoría violenta e radical afincada na estructura dun partido político ao que levaron de fracaso en fracaso electoral, perdidas as derradeiras eleccións municipais viron como única vía de supervivencia a toma de poder no náutico: como apetitosa base de operacións e como único medio de vida. Cando os socios democráticamente se opuxeron en masa ás súas pretensións foi cando se desatou o proceso de golpe de estado, no que esta cuadrilla de arribistas profesionais non dubidou en secuestrar un partido político na defensa dos seus intereses. E despois dun período de relativa calma no que se defenestrou ao antigo secretario xeral, agora, reposto este na súa praza, esbirro do seu desagradecido amo, volven á carga con forzas renovadas.

A guerra de Camarinas.eu non é a política. Nunca foi o nosa liña editorial enxuizar políticas de partido nin proxectos ideolóxicos, nin andar tentando influir na loita partidista. Os desencontros e polémicas absurdas cotidianas do mundillo político nunca serán o noso hábitat natural. Asistimos en 2011 a dous importantes procesos electorais nos que non se tomou partido por ningunha opción e respecto ás eleccións de novembro xa nin se publicou unha soa noticia. Agora sí que é a nosa guerra a defensa da sociedade camariñana frente aos políticos sen escrúpulos, batalla que ten como exemplo paradigmático os gravísimos sucesos que asolan o Club Náutico de Camariñas, e na que esta minoría radical e violenta non dubidará en utilizar todos os medios ao seu alcance para facerse co poder. Tristes e aciagos días os que nos tocan vivir en Camariñas, asistindo ao exemplo máis perfecto que se poida coñecer da política como último refuxio de supervivintes e aventureros, xentes sin escrúpulos que non dubidarán en devastar todo con tal de sobrevivir un par de días máis.

LBL_RELATEDNAME

Comentarios:

Escribir un comentario

Hemeroteca

April 2014
Mo Tu We Th Fr Sa Su
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4
Opacity

Comentarios Camariñas

HomeCamariñasPolitica en CamarinasO PP de Camariñas apoia a ocupación ilegal do CNC Top of Page
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image