Banner Mostra 2014 3

Aprobacion Provisional do PXOM (II)

PinExt
Share
Daniel Rego, político de éxito, bebe apuradamente un botellín, neste caso de augaDespois do Pleno chiquitero, chegou o Pleno da resaca. O cambio de horario resultou letal para a orixe da que extrae os seus superpoderes o gran villano da política en Camariñas e así o Pleno polo que se aprobaba provisionalmente por segunda vez todo un PXOM resultou prácido e tranquilo como unha tarde de primavera. En ocasións ocorre que incluso as criaturas maléficas esaxeran a dosis habitual e o rastro de devastación e caos provocados polas mesmas (en imaxe para un concello, en convivencia das boas xentes, en proxectos saboteados ou botados a perder...) excede do que normalmente xa se espera, tal que aconteceu o mércores 28 de marzo. E así malgastadas as súas forzas en fogos de artificio, en salvas de fogueo, en un pleno extraordinario intrascendente como hai unha ducia cada ano, cando chega a cita histórica, cando se requiren intervencións acertadas, discursos preparados e actuacións longamente meditadas, o silencio, as cabezas baixas e os balbuceos, a nada máis absoluta,  son a constante, poñendo brutalmente de manifesto a falta de preparación, de nivel, a carencia de estratexia e de proxecto dun respetable partido político deixado por mor dun sino fatal en mans de arribistas sen escrúpulos e supervivintes arruinados por completo, perdedores de mil batallas, acollidos á política como derradeira oportunidade.

As 8 da tarde son un horario extrano, situado en terra de ninguén, demasiado temperán para aqueles que inician o seu habitual maratón chiquitero nocturno e, por outro lado, adecuado para dar o reposo necesario co que poder recuperarse dos sempre inevitables excesos do mediodía. Por elo sen o subministro da súa dosis habitual de superpoderes o político camariñán habitual perdedor de todo tipo de eleccións, cousa ou ente convertida por mor dos acontecementos dos derradeiros seis meses en persoaxe máis propia do cómic, estivo desaparecido no Pleno no que derivado da necesidade de adaptarse ao Plan de Odenación do Litoral (POL) se aprobaba provisionalmente 13 meses despois por segunda vez o Plan Xeral de Ordenación Municipal. Pleno inusualmente tranquilo, rápido, sen alborotos, con presencia maioritariamente socialista nas gradas, o que ademáis pon de relieve a grave fractura que están a provocar entre a militancia do seu partido as escandalosas desventuras náuticas do político asaltador de negocios particulares.

Pleno onde quedou probado que foi dende a secretaría dun partido político de Camariñas de onde partío a denuncia sobre o vertedoiro ilegal non do Club Náutico (o Jeep Cañonero, precintado por embargo xudicial e propiedade dunha empresa de vixiancia e protección galega, alá segue tirado no CNC para deterioro da imaxe do noso concello) pero si das Seixas e que obrigará a unha importante subida da taxa do recollida de lixo. Esto é o que sucede cando xentes sin oficio nin beneficio, vagos profesionales, se cren xornalistas de investigación: quen paga os seus desmanes finalmente son as boas xentes, víctimas involuntarias dun fogo político cruzado. Pleno ademáis no algún quedou desenmascarado como mentiroso compulsivo: cando decía que se enterara do asunto do vertedoiro das Seixas pola Voz de Galicia probouse que dous días antes La Opinión publicara a noticia citando como fonte á agrupación local de Camariñas do seu partido político. E como guinda do pastel de fracasos sucesivos do político okupanáuticos, o alcalde aclarou que será nos meses de xuño/xullo cando está previsto se inicie o expediente de construcción do futuro Tanatorio Municipal. Si este algún día ve a luz, independentemente da opinión que poidamos ter ou deixar de ter sobre a idoneidade de tal obra, elo quedará como exemplo do triunfo da vontade dun home que sobrepoñéndose a obstáculos cáseque sobrehumanos foi quen de sacar adiante a súa idea.

E así querido accionariado apolítico e independente de Camarinas.eu, trece meses despois de que fora aprobado tumultuosamente por vez primeira, tan só dous días depois do que pasará á historia do municipalismo camariñán como o "Pleno chiquitero", con algún aínda baixo as secuelas (físicas) do acontecido en tal día, o Pleno de Camariñas aprobou por segunda vez provisionalmente o PXOM. E tal que entón, repetimos o que en tal data dixéramos: Agora todo queda nas mans de Deus. En realidade nas da Xunta.

LBL_RELATEDNAME

Comentarios:

Escribir un comentario

Hemeroteca

April 2014
Mo Tu We Th Fr Sa Su
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4
Opacity

Comentarios Camariñas

HomeCamariñasPolitica en CamarinasAprobacion Provisional do PXOM (II) Top of Page
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image