Banner Mostra 2014 3

O PSOE rompe relacións co PP

PinExt
Share

O PSOE de Camariñas rompe relacións con que se convertío nun cáncer para o seu propio pobo

Este martes 21 de febreiro a prensa autonómica faise eco do acordo adoptado pola Agrupación Socialista de Camariñas no que esta acorda romper calquer tipo de relación ca formación local do PP. A causa desta dura nota de prensa dunha gravidade sen precedentes no noso concello en máis de 30 anos de democracia ven constituida polo enésimo desafuero, o novo acto de matonismo, ameaza e intimidación de quen se cre hai tempo fóra das leis humanas, de quen rebasou con creces todos os diques da decencia e do sentido común, de quen non dubidou en utilizar a forza que proporciona a estructura dun partido político gobernante en tódalas esferas de poder en España para defender os seus intereses particulares no Club Náutico e de quen por elo se convertío nun cáncer, nun membro gangrenado, para o seu propio partido e para o seu propio pobo. Pero vaiamos por partes e reconstruiamos todos os precedentes que levaron aos militantes do PSOE no noso concello a adoptar unha resolución inédita dende que en 1979 se celebraran en Camariñas as primeiras eleccións municipais.

O xoves 2 de febreiro de 2012, pasadas as 12 da mañán, un coñecido político local, unha persoa que recolle a confianza depositada nas derradeiras eleccións locais por máis de 1.500 persoas, principal representante na nosa terra do partido político que actualmente goberna a tódolos niveis, preséntase, sumamente nervioso e alterado, na redacción de camarinas.eu. Entra ata a oficina do director sen ser invitado a elo e esixe de mui malas formas, a grandes voces, coñecer cal é o redactor que está detrás das noticias publicadas polo citado medio en relación ao asalto e ocupación ilegal do Club Náutico de Camariñas. Acompáñase dun manoxo de noticias impresas de camarinas.eu, subraiadas de forma compulsiva, como si dos apuntes dun opositor a notarías se tratara e en especial móstrase indignado co contido da noticia publicada o luns 30 de xaneiro de 2012 ("Golpe de estado no Club Náutico"). Esgrime o nome de dous xoves directivos do CNC e ameaza con que se non se lle da un nome inmediatamente procederá a interpoñer unha demanda, a enésima, no Xulgado de Corcubión. Trata de intimidar cunha arte, a da denuncia, na que é un consumado especialista: a pesares da falta da máis mínima base xurídica dende que proceso de toma do poder no CNC por unha minoría radical e violenta tomara forma unha constelación de denuncias de todo tipo (xudiciais e administrativas) sucedéronse sen descanso. Esixe que camarinas.eu deixe de publicar noticias relacionadas co Náutico de inmediato e quéixase do dano que se lle está a provocar: nun lapsus chega a confesar que o día anterior foi chamado a consultas nunha tensa reunión na Deputación Provincial con tres altos dirixentes do seu partido.

Precisamente, este motivo, o das posibles repercusións políticas a nivel interno na formación na que milita, estaría detrás dun acto desesperado e terminal: o seu compañeiro mediático de andanzas, despois de perpetrar impunemente unha campaña nunca antes vista de mentiras, infamias, presións salvaxes, insultos e apoio aos que quebrantaron tan flagrantemente a legalidade no CNC e que, aproveitándose da súa posición privilexiada como secretario nun partido político, chegou a instruir o expediente polo que se expulsaría a tres honrados militantes que se opoñían as súas pretensións náuticas ("Eu ahí non tuven nada que ver, eso foron chiculatadas" chegará a decir o seu desagradecido amo nunha comida na Coruña), agora preso dun pánico insuperable fai chegar a todo aquel que queira escuitalo o seu desexo de desvincularse de inmediato de todo o que teña que ver co golpe de estado na que fora a institución náutica decana da Costa da Morte. Hai que comprender: a súa pobre muller a conta desta vaina do Náutico leva dúas semanas sen durmir. Que o dano para a imaxe do CNC a estas alturas posiblemente sexa irremediable eso dalle igual, pero é o que teñen as ratas, sempre serán as primeiras en abandoar a nave, como si aquí non houbera pasado nada. Ante este estado de cousas, o líder político trata por tódolos medios de silenciar ao único medio que lle pode facer frente ante o inverno mediático que se aveciña. Acto incomprensible e condeable en quen polo cargo público que ocupa está obrigado a un plus de responsabilidade e exemplaridade nas súas actuacións. Especialmente incomprensible si temos en conta que ao longo de todo o proceso de asalto ao CNC camarinas.eu endexamáis publicou o seu nome...

Pasadas dúas semanas, o xoves 16 de febreiro de 2012, ás 16:30 horas o director de camarinas.eu atópase na súa oficina falando con dúas clientas, mentras a súa esposa no mostrador da tenda prepara o material que despois, unha vez abertos, virán a buscar os clientes. Un cartel na porta de entrada sinala as 17:00 horas como o horario de apertura ao público. Nese instante, outra vez sumamente nervioso e alterado, incluso algo ido por momentos, errático nos seus comportamentos, como un boxeador sonado, ese mesmo político habitual perdedor de eleccións entra sen consentimento algún na mesma oficina na que 14 días antes perpetrou un vil acto de intimidación e ameaza. Cómpre lembrar que na noite anterior camarinas.eu, fruto dunha información subministrada por fontes de toda solvencia, publicaba a noticia "Vertedoiro ilegal no Club Náutico". O mesmo día no que La Voz de Galicia facíase eco nunha noticia da posible existencia dun vertedoiro municipal en Camariñas sen que dirixentes do concello que se saiba se presentasen en redacción algunha esixindo, ameazas incluidas, a súa retirada. A pesares da presencia de clientes quere ser atendido de inmediato, fáiselle ver que terá que esperar, perdido todo respeto ás dúas rapazas que tiñan preferencia volta a reiterar a súa esixencia, xa se sabe: os políticos son xente mui ocupada, sempre desvivíndose polo ben común. Ao ser conminado amablemente a abandoar o local violéntase e comenza a manosear a mercancía que se atopa na tenda, quere facer fotocopias. Acto seguido cambia de opinión e prefire comprar unha cámara para finalmente descubrir que o que realmente quería era sacarse unhas fotos. Posiblemente busque que o director de camarinas.eu perda os nervios: unha pelea, ser agredido, neste momento mediáticamente para el non tería precio. Frente a elo, educadamente vólveselle a rogar que abandoe o local advertindo que en caso contrario chamarase á Guardia Civil. Desesperado ante o enésimo fracaso das súas tentativas, nun acto especialmente patético segundo os testigos presenciais, como si dunha pelea de enamorados se tratase chega a balbucear frases incoherentes recriminando agriamente ao director de camarinas.eu promesas imaxinarias: ¡¡... eh... eh... dixestes que ibas a chamarme...!! ¡¡... eh... eh... prometéstesme que non ibas a publicar nada más do Náutico...!! Ata que nun momento de despiste, enganado ca promesa de falar fóra do local, péchaselle a porta e chámase a Guardia Civil para saber que pasados cinco minutos fora este exemplo de virtudes políticas quen interpuxera unha cómica denuncia no Cuartel da Benemérita "por non ser atendido" nun local que nin siquera estaba aberto ao público.

E así, traspasados como decíamos hai tempo os límites do sentido común, rebasados todos os diques da decencia, utilizados ata a náusea polo seu principal representante todos os resortes dun partido político para favorecer pretensións privadas, para a ocupación ilegal e  posterior golpe de estado no Club Náutico, vimos en Camariñas en dous zarpazos consecutivos como un líder político, alguen que supostamente representa a máis de 1.500 persoas, a principal imaxe na nosa terra da formación política que preside o Goberno da Nación, o da Autonomía e o da Diputación Provincial, se adica a asaltar negocios privados, a intimidar a honrados comerciantes, a ameazar públicamente, diante de testigos, a quen xa ten bastante con sobrevivir ao duro día a día. O que vimos en Camariñas en dous asaltos consecutivos foi o nunca antes visto en lugar algún.

La Voz 21 2 2012

LBL_RELATEDNAME

Comentarios:

Comentarios   

 
kinos
0 #1 RE: O PSOE rompe relacións co PPkinos 22-02-2012 08:23
E unha pena que unha institucion privada como o nautico sexa victima dunha dura loita politica entre ambos partidos.A politica hoxe en dia en camariñas e tan dura que chega a enfrentarse os propios veciños,e enzañandose en loitas persoais ,cando deverian intentar buscar ambos partidos o mellor po pobo e veciños.De vergoña!!
Reportar al moderador
 
 
MBCA
0 #2 RE: O PSOE rompe relacións co PPMBCA 22-02-2012 14:05
Hay xente que non ten vergonza nin clase,que pena!!
Reportar al moderador
 
 
Titofo
0 #3 Que lindoTitofo 22-02-2012 17:47
Me gustaría escuchar como suena esa lengua. Soy Argentino y de forma muy particular me impacta la forma en que escriben, me gustaría escucharlos, debe sonar muy lindo. Saludos.
Reportar al moderador
 
 
KAMIKASE
0 #4 EL DESKUARTISADOR DE LA RUA DO MEDIOKAMIKASE 22-02-2012 21:10
Diox Mio este home TOLEOU!!!!
Que se lle pasara pola CABESA a este home para tolear desta forma?
Hay que ter cuidado con el, muy ben da chaveta non esta e a este ritmo de degeneracion un dia de estes empeza a MACHETASOS con todo o que se lle poña por diante. O final vamos a salir nos telediarios e todo. Tende cuidado todos e non saljades de casa no vai a ser que vos faja a raya do medio con un machetaso.
Non e de risa eh!!!
Reportar al moderador
 

Escribir un comentario

Hemeroteca

April 2014
Mo Tu We Th Fr Sa Su
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4
Opacity

Comentarios Camariñas

  • Procesión da Virxen do Monte 2014

    Beldoña 23.04.2014 20:48
    RE: Procesión da Virxen do Monte 2014
    Pardiñas, a Biblia case sempre fala en sentido figurado, e non hai que tomala ao pe da letra. ´Foi ...
     
  • Procesión da Virxen do Monte 2014

    PARDIÑAS 23.04.2014 16:26
    a Moncho
    Agora que falades tanto na reportaxe de Camariñas.Eu ,como vostede do Diluvio ,eu pregúntome ¿é posible ...
     
  • Procesión da Virxen do Monte 2014

    Moncho de Dios 23.04.2014 15:06
    RE: Procesión da Virxen do Monte 2014
    Gran reportaje Diego ,donde ademas nos demostráis vuestros conocimientos bíblicos,ya puestos en la ...
     
  • Procesión da Virxen do Monte 2014

    Beldoña 22.04.2014 21:00
    RE: Procesión da Virxen do Monte 2014
    Miña Virxiña do Monte, que mudaches ceo por mar; deixáchelos pes nas rochas miña Virxiña ao pasar.
     
  • Videos promocionais da XXIV Mostra do Encaixe de Camariñas

    Diego Calderon 22.04.2014 09:15
    RE: Videos promocionais da XXIV Mostra do Encaixe de Camariñas
    Muy buen trabajo Diego,la feria según entendidos fue muy buena ,la labor de todo el mundo fue secundada ...
HomeCamariñasPolitica en CamarinasO PSOE rompe relacións co PP Top of Page
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image