A Comisión de Festas e Camarinas.eu, unha colaboración proveitosa e útil para Camariñas

Imbuidos de cabeza nesta voráxine diaria que nos devora, ao borde dun rescate completo e demoledor que agocha inevitable á volta da esquina, arrastrada polos suelos a imaxe de España como país, aos mandos das diversas administracións públicas o conxunto de políticos máis lamentable de Europa, nembargantes en datas recentes tiveron lugar dous eventos que permitiron aos cidadáns honrados recuperar a confianza en si mesmos alomenos por uns días. O primeiro, a nivel de nación, foi o aplastante, insultante, tan sobrado, triunfo da Selección Española de fútbol na Eurocopa 2012: unha letanía de bandeiras colgadas das ventanas, balcóns, tellados, coches de España que parecían decir orgullosamente "e pese a todo, aquí estamos nós". O segundo, circunscrito aos habitantes dunha pequena vila mariñeira do remoto occidente europeo, foi a celebración por estos da sen dúbidas mellor Festa do Carmen en toda a súa historia. O suceso que permitío aos camariñáns recuperar (no improbable caso de que algunha vez a houberan perdido) a confianza en si mesmos.

Con todo, a Procesión Marítima da Virxe do Carme do 2012 parece presentarse en principio menos multitudinaria en canto a embarcacións que edicións pasadas, sendo compensado esto último co número masivo de tripulantes enrolados nas naves participantes. Día espléndidamente soleado con lixeiras rachas de vento. Os redactores de Camarinas.eu optan polo clásico: un repite na embarcación antigamente chamada Cirros, actual Trinta e Dous Ventos; outro, retorna á Belen M., patroneada con sabiduría e experiencia polo noso querido Rocco, el Maestro del Bon Vivir, tras unha edición pasada na que optara por un dos barcos lexendarios do porto de Camariñas, o Carballo, suplindo a súa ausencia no mesmo o xefe dos deportes do xigante cibernético da Costa Atlántica, Juan Manuel Cabrejo Pasantes, Juanillo.

Edición polo demáis accidentada, á altura de Merexo, o Praia de Traba, embarcación portadora da Virxe do Carme, vía como o seu motor quedaba fóra de combate, sendo necesaria a intervención da lancha de salvamento marítimo Salvamar Altair para remolcalo ata Camariñas. Xa antes, pouco despois do momento da obrigada ofrenda floral, no medio da Ría, consecuencia dun tombo provocado por unha das embarcacións de maior envergadura, unha lancha con tres tripulantes afundíase sen remisión, sendo rápidamente rescatados do mar por unha Salvamar Altair que iniciaba deste xeito unha nada desexable atareada xornada. Neste punto Camarinas.eu, no que xa constitúe un clásico do xornalismo gráfico galego, recollía o emocionante momento en que o Rocco arroxaba ás augas a ofrenda floral da Belen M. Despois viría por parte do noso patrón e recollendo o sentimento actualmente reinante na nosa lacerada patria unha demostración antixermánica ao estilo árabe dentro do porto muxián.

Pero nada foi quen de evitar a explosión de emocións descontroladas, de pura ilusión e felicidade, que encerra unha Procesión da Virxe do Carme. Ese lapso de tempo de catro ou cinco horas, as máis importantes dun ano, que vai dende o momento en que se pisa a Igrexa Parroquial de San Xurxo ata que se volta a casa (cara ás 16:00 h, a veces cara ás 17:00 h, a veces xa nin eso) e no que un parece levitar nun nirvana festeiro, elevado aos ceos dende as rúas e as augas da Vila de Camariñas.

Galería Fotográfica



Comentarios   

lucia018
+1 # RE: Festa do Carmen, 16 de xullo 2012 (II)lucia018 23/07/2012 10:12
Increible! canta xenteeee!!!! :lol: que festasas!
Denunciar ante o administrador
maria dolores
+1 # fete carmenmaria dolores 23/07/2012 12:35
:lol:pena de non poder estar nas festas,fotos bonitas gracias asi puden estar nas festas de camarinas,por ordinador,perdo n por a escritura espero se comprenda,
Denunciar ante o administrador
Mila
+1 # RE: Festa do Carmen, 16 de xullo 2012 (II)Mila 06/04/2013 18:30
Unas fiestas muy bonitas y un día precioso Gracias por las fotos
Denunciar ante o administrador

Vostede non ten permisos para comentar nesta noticia.