Espectaculares fogos de artificio no día da nosa Virxen do Carmen

Asistía Camarinas.eu ao completo á sesión de Fogos Artificiais da Festa do Carmen 2012 dende unha enclave privilexiado e facíao finalmente con división de opinións. Así, mentras un dos redactores ficaba complacido e ensalzaba a labor coheteril da empresa pirotécnica, a outra parte da sociedade non deixaba de queixarse amargamente ao longo do intercambio balístico marítimo-terrestre, sen dúbidas pensando en todos aqueles pobres canciños camariñáns que ao mesmo tempo que os seus amos desfrutaban cuns fogos espectaculares estaban nas casas ao borde dun colapso por puro medo insuperable. Nembargantes, os tendidos multitudinarios que inundaban o Paseo Marítimo camariñán non foron desta última opinión e así cando cara á 1:30 horas remataban os fogos de artificio unha ovación estruendosa elevábase cara a nuite despexada da Vila das Palilleiras.

Ademáis, tal vez deba resaltarse que a opinión do redactor crítico cos fogos posiblemente se vira empañada, nublando desta forma o seu entendemento, co medo, pánico máis ben, vividos na noite de autos cos sucesos que poderían haber tido lugar nas instalacións okupadas do CNC. En efecto, querido accionariado, en parte provocado pola dirección do vento, mascouse o drama por momentos cando os redactores de Camarinas.eu ficaban alarmados e ao borde das bágoas ao constatar que en calqueira momento unha das miles de chispas que surcaban os aires nocturnos camariñáns poderían acabar pousándose no mostacho do noso querido cociñeiro naviero. Neste caso e dado que ao estar habitualmente os peliños do seu bigote encharcados ata os topes en diferentes líquidos de alta combustión, a partires do momento no que a chispiña asesina se pousara nos mesmos estaba o drama servido: o mostacho máis asiduo dos xulgados de Galicia prendería como unha pira xigantesca cas consecuencias fatales fácilmente predecibles: unha antorcha humana recorrendo despavorida a cafetería okupada do CNC. Finalmente e gracias á Divina Providencia as cousas non aconteceron así e a día de hoxe os peliños do bigote naviero poden seguir dándose os seus habituales baños etílicos sen maiores problemas. A Deus gracias.

Video Traca Final



Comentarios   

María Laura Maruja
+1 # RE: Fogos Artificiais do Carmen 2012María Laura Maruja 20/07/2012 23:37
Preciosa Fiesta y estupéndos los fuegos.Lamento no haber podido estar,es tanta la distancia en Km, pero uno se siente tan cerca en el afecto.Muy buenas fotos como siempre. Cariños a todos desde Bs As.
Responder | Denunciar ante o administrador
lucia018
-1 # RE: Fogos Artificiais do Carmen 2012lucia018 23/07/2012 10:08
Eu por desgracia non vin os fuegoss! Gracias diee! por poñelos aqui en vidio e en fotos! :D
Responder | Denunciar ante o administrador

Engadir un comentario