16 de Xullo, o día máis importante para as xentes de Camariñas

As cousas suceden cada ano máis ou menos tal que así: un atópase tranquilamente na mañán do día de autos na súa casa, poñamos por caso lendo un libro, cando tralas rendixas dunha ventana aberta, polo oco do extractor, por debaixo da porta, a través das paredes, por onde sexa, comenza a filtrarse, repetitiva, reiterativa, a música do tiro liro. Asómase un á ventana, obsérvase á Danza de Arcos acompañada por unha multitude enfilar arriba a Avenida Eugenio López, fáiseche unha bola na garganta, bágoas de emoción pugnan por saír dos globos oculares e entón marchas de estampida cara a Igrexa Parroquial de San Xurxo. Como antes, fixeron tantas e tantas xeracións de antepasados de un, mariñeiros case todos, o peso da tradición que cae sobre ti cos seus miles de toneladas e claro, non che queda outra que facer acto de presencia.

Un día soleado recíbeche no atrio da Igrexa. En principio, todo está no seu sitio e aos pes sagrados da Virxe do Carme unha alfombra multicolor de arcos precederá o paseo pola súa vila; ao carón do Páter, as autoridades fan acto de presencia: o Alcalde, un enviado da Xunta de Galicia, unha nutrida representación da Guardia Civil, nembargantes alí no lugar que debería okupar un coñecido asaltador de negocios particulares, actualmente devenido en okupanáuticos profesional, recordman mundial en vergonzosas derrotas electorais de todo tipo, luce a súa actual número dous, unha concelleira procedente do Distrito de Buría e un non pode evitar felicitarse pola concatenación de circunstancias que fixeron esto posible: desta maneira unha ocasión tan importante, honesta, pura pola ilusión infantil das boas xentes que é unha procesión da Virxe do Carme gaña en seriedade, respetabilidade e decencia. Polo menos desta vez entre as autoridades encargadas de representar a toda unha vila non fará acto de presencia alguén que ca súa deriva persoal, violenta, desquiciada, terminal, allea a toda legalidade e honestidade, convertíose no maior apestado político da historia da Costa da Morte.

Pero, con todo un non pode evitar teorizar acerca das causas que impediron que o cociñeiro naviero perpetrara acto de presencia en toda unha procesión do Carme. E así empézanse a descartar hipótesis: a primeira, aínda que en principio xa só plantexala debería levar a risa, sería que maratonianas e exhaustivas xornadas de traballo escravista como asesor da Deputación Provincial impediran a súa asistencia. Neste punto resulta evidente que nas mesmas épocas nas que nóminas de millóns de empregados públicos son mutiladas sen piedade e nas que os nosos maiores e cativos quedan sen a protección social máis básica, hai quen segue a cobrar das deputacións provinciais máis de 25.000 euros anuais a cambio da noble labor de andar tirado polos bares. Por non facer, nin siquera se asiste ao acto público máis importante do ano no concello que supostamente se debería representar. O segundo descarte viría representado por unhas tamén extenuantes e agotadoras xornadas de traballo na súa okupación actual de cociñeiro naviero na única cafetería ilegal de toda a Costa da Morte. Aquí resulta obvio que estamos a falar dun deserto hosteleiro ao que xa só lle falta que lle pasen por diante esas bolas de matoxos do Oeste americano, gracias precisamente entre outras cousas aos empeños culinarios do noso querido pero tamén tembloroso cociñeiro naviero.

Á terceira das posibilidades xa lle damos aquí máis chance en Camarinas.eu, ademáis de ser plenamente compatible ca opción pola que finalmente nos decantaremos. Sería aquela representada polo enviado da Xunta de Galicia, unha autoridade de cuarta fila, da que por saber non sabemos nin o nome e o que aínda é peor: nin nos imos molestar en averigualo. Nembargantes e a pesares do anterior, éste previamente xa se encargaría de facer saber directamente ou por terceiros as súas intencións nunha conversación tipo: "Oístes ti, okupanáuticos, mañán non se che ocurra asomar nin o máis mínimo dos peliños do bigote ao meu lado. Non quero desprestixiar a miña imaxe pública ao carón dun cadáver político que o único que fai é arrastrar polo fango as siglas do partido".

E así finalmente, chegaríamos á causa que explicaría unha ausencia que logrou que todos, especialmente os seus propios compañeiros, respiraran aliviados, non se foran repetir unhas imaxes parecidas a aquelas de Boris Yeltsin, ex presidente de Rusia, borracho como un témpano, abaneando en actos oficiais diante de presidentes e monarcas extranxeiros. Así, coñecida a querencia dalgún que outro polas inxestas masivas, evidente un declive físico (e mental) imparable, sabedores todos das datas nas que nos atopamos, sendo o día previo o tan perigoso e letal "víspera do Carme", data que agocha máis perigos e tentacións que as mesmísimas noites de Sodoma, Gomorra e Las Vegas xuntas e que logrou que en tempos que algúns que o presente escriben quedaran baldados para toda a festa, ao borde dun K.O. técnico etílico severo, culpable de que tantas veces se agarrase polos pelos a derradeira embarcación dispoñible en porto para asistir á Procesión Marítima, o caso é que unha vez máis non se controlou como debera o noso querido pero tamén tembloroso cociñeiro naviero e alí quedou o homiño tirado espatarrado durmindo a mona dun xeito tan radical que todos os esforzos para reanimalo resultarían estériles, baldíos. Ou sexa, o que realmente aconteceu sería algo semellante á aquela vez en que Yeltsin quedou durmindo no Aeroporto de Dublín durante horas no avión presidencial mentras esperaba resignada a pe da escalinata a delegación oficial irlandesa. ¡¡Ay, querido accionariado apolítico e independente de Camarinas.eu, como en tempos decía unha redactora nosa: "Pero que vidas máis críticas!!

Fin ao Episodio I da noticia Festa do Carmen, 16 de xullo 2012. Mañán, a outra porción da alma bicéfala de Camarinas.eu presentará en público os resultados gráficos da súa viaxe naviera, perdón, queremos decir náutica.

Comentarios   

Dolores Rojo
+1 # RE: Festa do Carmen - 16 de xulloDolores Rojo 19/07/2012 19:34
Hermosas fotos y hermosa fiesta!!!
Responder | Denunciar ante o administrador
ageitos
+1 # viva a festa do carmenageitos 21/07/2012 15:39
viva a festiña do carmen,esperemo s que esta magnifica comisión de festas siga un aniño mais estan etre seguir ou abandonar
Responder | Denunciar ante o administrador
lucia018
-1 # RE: Festa do Carmen, 16 de xullo 2012 (I)lucia018 23/07/2012 10:14
Boisimas fotos diego! Gracias!
Responder | Denunciar ante o administrador
reyes rial de leon
-1 # son as melloresreyes rial de leon 23/07/2012 14:33
ta todo muy bonito son as mellores festas
Responder | Denunciar ante o administrador

Engadir un comentario