¡¡Que viva la aficción!!

En principio tratábase dunha invitación do Presidente do Puerto Arnela si o derby que enfrentaba ao seu equipo co dos Boliños na final percebeira mundial acababa sin jaleos, precaución innecesaria xa que o que se presentaba con tintes de cruenta guerra civil resultou ser un duelo de guante blanco que parecía por momentos xogado entre cabaleiros do Imperio Británico. Pero ao final apuntáronse tamén aficcionados, xornalistas, admiradores e algún outro que pasaba por alí e así este sábado 6 de febreiro tivo lugar a un nivel decibélico inusualmente alto e cunha treintena de participantes unha churrascada nun coñecido ristorante xaviñán que permitío (según comentou un dos presentes) que "en Camariñas esta noite a xente poda durmir cas portas das casas abertas..."

Por outro lado, camarinas.eu non podía deixar de lado ao Bodegón A Moleda, xusto campeón do gran torneo de masas do Concello de Camariñas e presentouse no fogar do mesmo para tomar nota da cena de homenaxe aos héroes. Club de Veteranos que sen dúbidas tomará parte na gran Copa que xa se ven anunciando e da que ese ente descoñecido e secreto, intrigante e ameazador, chamado Organización envía a camarinas.eu a Convocatoria Oficial da Copa de Veteranos de Camariñas. Polo tanto aquí tedes tres noticias en unha: Cena de equipos percebeiros, cena do Moleda e Convocatoria Oficial. Ah, e con vídeos e fotos.

O eterno ciclo da vida

Ao longo desta primeira semana de febreiro puidemos asistir a un deses espectáculos cos que a natureza de vez en cando nos sorprende: tratábase das grandes mareas vivas de inverno provocadas pola tracción gravitatoria do plenilunio despregada na súa máxima intensidade. Máis coñecidas suelen ser as de finais de agosto e aquelas que coinciden ca Semana Santa, sen embargo as acontecidas nesta semana que remata chegaron a alcanzar guarismos de 0,10 cando o normal é que anden no 0,40. Nembargantes a longa lingua de terra que este cíclico espectáculo marino nos permitío vislumbrar non era todo o agradable visualmente que un quixera: longos anos de infiltración de todo tipo de detritos residuais convertiron as virxinais areas brancas nun fango verdoso malolente en verán e nun limo escuro pestilente en inverno. Para devolver as cousas ao seu estado natural e completar a impresionante obra do Paseo Marítimo sería ideal un dragado en condicións da dársena. Cousa difícil de conquerir ca quiebra radical e completa á que as diferentes administracións públicas parecen encamiñarse a pasos axigantados. Polo tanto mellor contentarse con comprobar o cumprimento inexorable do eterno retorno da vida cunhas cantas fotos das mareas vivas máis xigantescas do ano da man de Juan Camariñán (inverno) e Zhúkov (verán).

A botella xa está aquí

Beatriz Dios gañadora do concurso para elexir o motivo de encaixe que adornará as botellas de Cabreiroá

Cando vaiades á tenda do Rincón del Gourmet, primer baixoplanta de El Corte Inglés da Coruña, alí a poderedes atopar, entre botellas de whisky escocés de a 600,00 euros a peza e selectos vodkas de importación.  Cun luxoso envoltorio e reproducindo as filigranas do encaixe camariñán, 2.000 botellas desta especial edición limitada da empresa ourensana de augas Cabreiroá surtirán ás máis exclusivas tendas e establecementos. Por elo facíase necesario un acto oficial de presentación en sociedade da botella que levará o nome do Encaixe de Camariñas polo mundo adiante. Este acto tivo lugar este venres 5 de febreiro de 2010 na Casa de Pedra cun cheo ata a bandeira de público e nel estivo presente, ademáis do máis granado do mundillo político local, Beatriz Dios, encaixeira de Xaviña gañadora do concurso convocado ao efecto para elexir a imaxe de Camariñas que surcará o mundo a través dunha viaxe polas tendas máis selectas do orbe terráqueo. Camarinas.eu tamén estivo alí e dou boa conta do acto cunha amplia galería fotográfica. O pobo humilde dou boa conta tamén, pero dos pinchos.